Калектывы

Народны фальклорны калектыў в.Шутавічы

Кіраўнік калектыва – Наталля Іванаўна Руткоўская, тэл.:(01592)97565

нядзеля: 09.30-11.00

Найстарэйшы народны калектыў Смаргонскага раёна. Сваю творчую дзейнасць калектыў пачаў у 1949 годзе пры Шутавіцкім сельскім Доме культуры. З 2013 года дзейнічае пры аддзеле культуры і вольнага часу «Сінькоўскі Дом культуры». За высокі мастацкі ўзровень і выканальніцкае майстэрства ў 1992 годзе яму было прысвоена званне "народны". Калектыў з'яўляецца носьбітам традыцый па адраджэнні святочнай каляндарнай абраднасці. У яго рэпертуары-песні святаў народнага календара, сямейна-бытавога кірунку, беларускія народныя песні.

2005 год – удзел у запісу праграмы «Спявай, душа!" беларускага тэлебачання. 2006 год-удзел у раённым пленэры носьбітаў песеннага фальклору "Кола святочных песень Смаргоншчыны". У 2007 годзе Міністэрствам культуры Рэспублікі Беларусь сумесна з БелІПК выпушчаны кампакт-дыск з запісамі абрадавых песень калектыву. У 2007 і 2011 годзе за ўдзел у абласным фестывалі рэгіянальнага фальклору "Панямоння жыццятворныя крыніцы” калектыў узнагароджваўся дыпломамі III ст. у намінацыі "аўтэнтычны фальклорны гурт". У 2015 годзе ён стаў дыпламантам рэгіянальнага фестывалю традыцыйнай культуры "Скарбы Гарадзеншчыны". У 2016 годзе з удзелам калектыву была запісаная праграма "Наперад у мінулае "тэлеканала" Беларусь-3". У 2019 годзе калектыў адзначыў 70-годдзе творчай дзейнасці.

Народны ансамбль песні і танца імя М.К. Агінскага

Хормайстар – Вера Аляксандраўна Міхайлава
Балетмайстар – Павел Васільевіч Рацько, тэл.:(01592)4-63-53

серада: 17.30 - 19.00

Ансамбль песні і танца створаны ў 1964 годзе на базе харавога і танцавальнага калектываў, якія існавалі з 1947 і 1948 гадоў. Вынікам плённай працы калектыву стала прысваенне званне лаўрэата II ступені Усебеларускага фестывалю народнай творчасці "Беларусь-мая песня" і ўдзел у заключным гала-канцэрце ў Палацы Рэспублікі (2005г.). У 2006 годзе калектыў прыняў удзел у II абласным конкурсе народных хароў і ансамбляў песні і танца "Над сінім Нёманам", дзе быў узнагароджаны дыпломам за выканальніцкае майстэрства і прапаганду лепшых твораў беларускага мастацтва. У 2009 годзе харавая група калектыву на абласным фестывалі калядных спеваў «Слава ў вышніх Богу» (г. Ліда) узнагароджана Дыпломам I ступені. У 2011 годзе калектыў стаў дыпламантам X Міжнароднага фестывалю праваслаўных песнапенняў «Каложский благовест». У 2012 годзе харавая група калектыву на абласным фестывалі калядных спеваў «Слава ў вышынях Богу» (г.Ліда) узнагароджана дыпломам I ступені «за захаванне пеўчых традыцый праваслаўнага набажэнства». Дыпломам III ступені калектыў атрымаў на IY абласным фестывалі ансамбляў песні і танца «Над сінім Нёманам " (г.Гродна). У 2014 годзе харавая група калектыву прыняла ўдзел у гала-канцэрце лепшых харавых калектываў духоўнага напрамку ў рамках " Дзён праваслаўнай культуры" і ў адкрыцці першага Міжнароднага фестывалю акадэмічных хароў "Con anima " імя народнага артыста СССР і БССР В. Роўда(г.Мінск). У 2015 годзе ансамбль прыняў удзел у 69 Міжнародным фестывалі арганнай і духоўнай музыкі ў г. Кашалін (Польшча), дзе быў узнагароджаны дыпломам за ўдзел. У 2016 годзе танцавальная група калектыва ўзнагароджана Дыпломам I ст. у намінацыі "Беларускі народны танец" на абласным конкурсе танцавальных калектываў"Скокі ва ўсе бокі" (г.Карэлічы).
У 2018 годзе танцавальная група калектыву ўзнагароджана дыпломам I ст. у намінацыі "Беларускі народны танец" (маладзёжная ўзроставая катэгорыя) за папулярызацыю харэаграфічнага майстэрства на абласным конкурсе танцавальных калектываў "Скокі ва ўсе бокі"(г. Смаргонь).
Народны ансамбль песні і танца імя М.К. Агінскага ўзнагароджаны дыпломам за ўдзел у абласным фестывалі народных хароў і ансамбляў песні і танца “Над сінім Нёманам" (аг.Абухава,2018г.)

Народны фальклорны калектыў «Валэйчанка»

Кіраўнік - вакансія

Народны фальклорны калектыў "Валэйчанка" пачаў сваю творчую дзейнасць у 1976 годзе. У 1991 годзе яму было прысвоена званне "народны". Калектыў з'яўляецца носьбітам фальклорнай спадчыны рэгіёну. У яго рэпертуары больш за 100 беларускіх народных песень. З'яўляецца дыпламантам III ступені Рэспубліканскага фестывалю фальклорнага мастацтва "Берагіня"(2004 г.) і рэгіянальнага фестывалю народнай песні "Песня Памежжа " (2005 г.). У 2007 годзе быў удзельнікам фестывалю фальклору і традыцыйных народных страў у ваяводскім цэнтры Сувалкі( Польшча), а таксама стаў дыпламантам абласнога фестывалю рэгіянальнага фальклору Панямоння (г. Гродна). У 2012 годзе калектыў прыняў удзел у абласным заключным канцэрце агляду-конкурсу "Фарбы Прынёманскага краю". З яго ўдзелам прайшоў запіс праграмы беларускага тэлебачання "Наперад у мінулае" ў 2012 і 2016 гадах. У 2015 годзе калектыў прыняў удзел у рэагіянальным туры абласнога фестывалю фальклору "Панямоння жыццятворныя крыніцы" і быў узнагароджаны дыпломам I ступені у намінацыі "аўтэнтычны фальклорны гурт". У сувязі з 40-годдзем творчай дзейнасці ў 2016 годзе народны фальклорны калекты "Валэйчанка " быў узнагароджаны Ганаровай граматай Галоўнага ўпраўлення ідэалагічнай работы, культуры і па справах моладзі Гродзенскага аблвыканкама. У 2019 годзе з удзелам калектыву была запісаная праграма ў рамках фальклорнага песеннага шоу "Спявае Беларусь" тэлеканала "Беларусь-3".

З 2021 года калектыў дзейнічае пры Сольскім Доме культуры.

Народны ансамбль песні «Вечарынка»

Кіраўнік - Алена Віктараўна Давыдзенкава, тэл.:(01592)90641

аўторак:18.30-20.00

Народны калектыў народнай песні і танца "Вечарына" быў створаны ў 1998 годзе як фальклорны ансамбль песні і танца. У 2003 годзе яму было прысвоена званне "народны". Творчасць гэтага калектыву-лагічны працяг і развіццё культурных традыцый, якія сфарміраваліся на Смаргоншчыне на працягу стагоддзяў. Унікальнае музычна-абрадавае спадчына ўвасобілася ў шматлікіх канцэртных праграмах калектыва, якія аб'ядноўваюць у сабе песню, музыку, танец, узнаўляючы традыцыйны пласт нацыянальнай культуры. У рэпертуары калектыву-беларускія народныя песні, песні беларускіх аўтараў, народныя танцы Жодзішкаўскага рэгіёна і Смаргоншчыны. Калектыў прымаў удзел у шматлікіх абласных, рэспубліканскіх і міжнародных конкурсах і фестывалях: 2005 год-заключны канцэрт абласнога тура Усебеларускага фестывалю народнай творчасці" Беларусь – мая песня", удзел у XIII Міжнародным фестывалі польскай і беларускай песні "Беласток – Гродна" (Рэспубліка Польшча) , а таксама ў Міжнародным фестывалі "Памежная фіеста" (г.Лаздзіяй, Літва). 2006 год-лаўрэат II ступені III рэгіянальнага фестывалю народнай песні "Песні Памежжа" (Астравецкі раён). 2008 год – удзел у Міжнародным фестывалі народнай творчасці «Вянок дружбы» (г. Бабруйск). У 2011 годзе калектыў прыняў удзел у сельскагаспадарчай выставе-кірмашы Гродзенскай вобласці (г. Мінск).У 2013 годзе быў запрошаны на першы Міжнародны фестываль мастацтва і культуры ў г. Алітус (Літва), дзе быў узнагароджаны сертыфікатам і Граматай фестывалю і з'яўляўся ўдзельнікам рэспубліканскага свята "Дзень беларускага пісьменства" (г.Быхаў, Магілёўская вобл.). Танцавальная пара народнага калектыву народнай песні і танца «Вечарына» (Я. Давыдзянкова і А. Гіль) стала лаўрэатам I ступені ў сваёй узроставай катэгорыі на абласным фестывалі побытавых танцаў «Танцуем па- даўнейшаму», які праходзіў 28 мая 2017 года на базе філіяла «Тарноўскі Дом культуры» ДУ «Лідскі раённы цэнтр культуры і народнай творчасці».
Рэпертуар калектыву пастаянна папаўняецца новымі цікавымі вакальна-харэаграфічнымі кампазіцыямі. Разнастайны рэпертуар, таленавітыя салісты прынеслі яму шырокую вядомасць не толькі на Смаргоншчыне, але і за яе межамі-калектыў з'яўляецца частым і жаданым госцем у суседніх раёнах Гродзенскай і Мінскай вобласці.

Народны цымбальны аркестр імя А.А.Дзяругі

Кіраўнік - Вольга Анатольеўна Грагоўская, тэл.:(01592)4-63-55

серада:12.30-14.00

Аркестр цымбалістаў г. Смаргонь быў створаны ў 1948 годзе заслужаным дзеячам культуры БССР А. А. Дзяругам, які з'яўляўся яго нязменным дырыжорам да 1973 года. А. А. Дзяруга- аўтар шэрагу песень і танцаў, якія выконваюцца самадзейнымі калектывамі Смаргоншчыны. У рэпертуары аркестра- беларуская народная музыка, творы беларускіх кампазітараў, сучасныя творы. У 1964 годзе аркестру прысвоена званне "народны". Калектыў прымаў удзел у абласных конкурсах, канцэртных праграмах у рамках I і II Рэспубліканскіх фестываляў народнай творчасці "Беларусь-мая песня". У 2011 годзе інструментальная група аркестра ўзнагароджана дыпломам "за паспяховы дэбют" на абласным фестывалі музыкі і песні «Зайграйце, музыкі!"(г. Ліда). У 2012 годзе калектыў прыняў удзел у заключным канцэрце раённага агляду-конкурсу "Распахнем акенца творчасці". У 2017 годзе за папулярызацыю беларускай музыкі і высокае выканальніцкае майстэрства ўзнагароджаны Дыпломам III ступені у намінацыі "інструментальны ансамбль" на абласным фестывалі народнай музыкі " Зайграйце, музыкі!"(г. Ліда).У 2018 годзе калектыў адзначыў свой 70-гадовы юбілей з дня ўтварэння канцэртнай праграмай " Гучаць цымбалы, гармонік грае"

Народны тэатр лялек «Батлейка»

Кіраўнік- Таццяна Уладзіміраўна Несцюрына, тэл.:(01592)97566

нядзеля:17.30-19.00

Лялечны гурток пачаў сваю дзейнасць пры Залескім сельскім клубе ў 1983 годзе. У 1985 годзе за пастаноўку спектакля "Цар Ірад" яму было прысвоена званне "народны". За час сваёй дзейнасці народны тэатр лялек "Батлейка" не страціў сваёй своеасаблівасці, артысты яго знаходзяцца ў пастаянным творчым пошуку.

У 2007 годзе тэатр стаў дыпламантам абласнога конкурсу народных тэатральных калектываў "Лідскія Тэатральныя сустрэчы". У 2011 годзе Народны тэатр лялек "Батлейка" быў узнагароджаны дыпломам "за лепшы аўтарскае твор і ўвасабленне патрыятычнай тэматыкі" на абласным аглядзе-конкурсе народных і ўзорных калектываў. У 2012 годзе калектыў прыняў удзел у заключным канцэрце раённага агляду-конкурсу "Распахнем акенца творчасці". У 2013 годзе на абласным аглядзе-конкурсе "Лідскія тэатральныя сустрэчы" тэатр быў узнагароджаны дыпломам у намінацыі «Лепшы аўтарскі тэкст і лепшая гульня акцёраў " і спецыяльным прызам. У 2015 годзе народны тэатр лялек "Батлейка" прадставіў на першы адкрыты рэгіянальны фестываль батлеечных тэатраў “Чароўны свет батлейкі” свой новы спектакль “ Жыццё ў гуках Паланэзаў” і быў узнагароджаны дыпломам у намінацыі “Лепшы спектакль". У гэтым жа годзе на абласным фестывалі аматарскіх тэатральных калектываў "Лідскія тэатральныя сустрэчы" калектыў быў узнагароджаны дыпломам "за яскравы аўтарскі твор па мясцовым матэрыяле" , а на 1-ым Рэспубліканскім калядным праваслаўным фестывалі батлеек " Нябёсы "(г. Мінск) - дыпломам "за ўклад у развіццё тэатра батлейкі". У 2016 годзе на II рэгіянальным фестывалі батлеечных тэатраў "Чароўны свет батлейкі" узнагароджаны дыпломам "за ўдалы творчы эксперымент" і дыпломам у спецыяльнай намінацыі "Батлейка-хіт". У 2017 годзе тэатр узнагароджаны дыпломам за ўдзел у абласным фестывалі народных тэатральных калектываў "Лідскія тэатральныя сустрэчы". На III рэгіянальным фестывалі батлеечных тэатраў "Чароўны свет батлейкі", які праходзіў 14 мая 2017 года ў аг.Залессе, народны тэатр лялек "Батлейка" узнагароджаны дыпломам II ступені у катэгорыі "народны калектыў Рэспублікі Беларусь".
У 2018 годзе калектыў адзначыў свой 30-гадовы юбілей з дня ўтварэння. На IV рэгіянальным фестывалі батлеечных калектываў "Чароўны свет батлейкі" (аг.Залессе Смаргонскага раёна) калектыў удастоены дыплома "за лепшы спектакль".19 мая 2019 г. на V адкрытым рэгіянальным фестывалі батлеечных тэатраў “Чароўны свет батлейкі "народны тэатр лялек "Батлейка" за свой інтэрактыўны спектакль-камедыю "Смаргонскі кірмаш" быў узнагароджаны дыпломам I ступені.
У 2020 годзе народны тэатр лялек "Батлейка" стаў уладальнікам дыплома III ступені абласнога дыстанцыйнага конкурсу тэатральных калектываў.

Народны тэатр гульні «Завадатар»

Кіраўнік – Вольга Канстанцінаўна Крывянкова, тэл.: (01592)37314

аўторак: 17:30-19:00

У 2001 годзе тэатру гульні "Завадатар”, які дзейнічаў пры раённым метадычным цэнтры народнай творчасці, было прысвоена званне “народны". Ён з'яўляўся ўдзельнікам шматлікіх абласных фестываляў і конкурсаў гульнявых забаўляльных праграм, дзе майстэрства ўдзельнікаў атрымлівала годную ацэнку.

У 2006 годзе-Гран-пры абласнога адкрытага фестывалю гульні "Карнавал весялосці" (г.Воранава). У 2008 годзе-Гран-пры рэспубліканскага фестывалю народнага гумару "Аўцюкі-2008". У 2009 годзе - дыплом 1-ай ступені на абласным адкрытым фестывалі гульні "Карнавал весялосці" (г.Воранава). У 2010 годзе-удзел у VIII Рэспубліканскім фестывалі нацыянальных культур (г. Гродна). У 2011 годзе-удзельнік Міжнароднага эканамічнага форуму "Паўночны вектар Гродзеншчыны". У 2012 годзе-дыплом за лепшую тэатралізаваную праграму на адкрытым абласным фестывалі гульні «Карнавал весялосці» (г.Воранава). У 2013 годзе быў запрошаны для ўдзелу ў Рэспубліканскім свяце «Дзень беларускай пісьменнасці» (г. Быхаў, Магілёўская вобл.). У 2014 годзе ўзнагароджаны Дыпломам III арт.у намінацыі «лепшая гульнявая пазнавальная праграма» на абласным аглядзе - конкурсе культарганізатараў «на сонечнай паляначцы». У 2015 годзе на V адкрытым абласным фестывалі гульні "Карнавал весялосці"тэатр узнагароджаны Дыпломам у намінацыі "Лепшая аўтарская праграма" (г. Воранава).
Народны тэатр гульні " Завадатар "аб'ядноўвае лепшых культарганізатараў раёна, з'яўляецца ініцыятарам і арганізатарам традыцыйнага раённага агляду –конкурсу"Гульневы калейдаскоп".

Народны ансамбль народнай песні «Хутарок»

Кіраўнік – Яўгенія Валер’еўна Ломаць, тэл.: (01592)46355

аўторак 16.00 - 17.30

Фальклорны калектыў "Хутарок" быў створаны ў 2000 годзе. У 2004 годзе яму было прысвоена званне "народны".У рэпертуары ансамбля-народныя песні і танцы, песні беларускіх і рускіх аўтараў, фальклорныя замалёўкі.

У 2006 годзе калектыў прымаў удзел у канцэртнай праграме лепшых творчых калектываў Смаргоншчыны ў г.Красназнаменск Маскоўскай вобласці (у рамках святкавання дзён Рэспублікі Беларусь у Маскоўскай вобласці). У 2008 годзе на рэгіянальным фестывалі народнай песні "Песні Памежжа" быў узнагароджаны дыпломам II ступені. У 2011 годзе калектыў прыняў удзел у сельскагаспадарчай выставе-кірмашы Гродзенскай вобласці (г. Мінск). У 2012 годзе - у тэлевізійным праекце агульнанацыянальнага тэлебачання "Песні маёй краіны". У 2013 годзе на рэгіянальным фестывалі "Песня Памежжа" узнагароджаны дыпломам II ступені. У 2015 годзе быў запрошаны да ўдзелу ў святочных мерапрыемствах, прысвечаных юбілею г. Вісагінаса (Літва). У 2016 годзе ўзнагароджаны дыпломам II ступені ў намінацыі "Народны вакал, дуэты" на I адкрытым фестывалі мастацтваў "Мы разам" (г. Мінск). Народны калектыў народнай песні " Хутарок" узнагароджаны дыпломам I ступені ў намінацыі “народны вакал, 25-30 гадоў" на Міжнародным конкурсе нацыянальных культур і фальклору "Народныя вытокі", які праходзіў з 16 па 20 сакавіка 2017 года ў г. Сочы (Расія).
На міжнародным конкурсе выканальніцкіх відаў мастацтваў "# Сябры", які праходзіў у рамках III Міжнароднага культурнага праекта "# Leto Сябры " ў г.Мінску. ансамбль народнай песні "Хутарок" дзяржаўнай установы культуры "Смаргонскі раённы цэнтр культуры" быў удастоены дыплома лаўрэата I ступені.
У 2019 годзе на абласным конкурсе ансамбляў беларускай музыкі і песні, ансамбляў народнай песні ў Слоніме народны ансамбль народнай песні «Хутарок» стаў лаўрэатам III ступені ў намінацыі «Дараслы ансамбль народнай песні».

У 2020 годзе Народны ансамбль народнай песні "Хутарок" стаў лаўрэатам II ступені ў намінацыі “народны вакал (ансамбль)” у старэйшай узроставай групе II Міжнароднага конкурсу дзіцячага, юнацкага праекта “Энергия нового времени” “Вперёд к мечте” .

Узорны фальклорны калектыў "Кропелькі"

Кіраўнік- вакансія

Фальклорны дзіцячы калектыў "Кропелькі" пачаў сваю творчую дзейнасць пры Валейкавіцкім Доме фальклору з 1986 года. Калектыў з'яўляецца пераемнікам абрадава-песенных традыцый народнага фальклорнага калектыву "Валэйчанка". Вынікам плённай творчай дзейнасці калектыву стала прысваенне яму ў 1998 годзе ганаровага звання "узорны". За час сваёй творчай дзейнасьці калектыў не толькі пераняў песенна-фальклорную спадчыну старэйшых, але і узбагаціў свой рэпертуар мясцовымі народнымі гульнямі, бытавымі танцамі, тэатралізаванымі ўяўленнямі.Узорны фальклорны калектыў "Кропелькі" - актыўны ўдзельнік усіх культурна-масавых мерапрыемстваў, якія праводзяцца ў рэгіёне. У 2010 годзе калектыў прыняў удзел у рэспубліканскім свяце паэзіі, прысвечаным 160-леціюф.Багушэвіча. У 2011 годзе узорны фальклорны калектыў "Кропелькі" адзначыў свой 25-гадовы юбілей. У 2019 годзе паспяхова пацвердзіў званне "ўзорны". З 2021 года калектыў дзейнічае пры Сольскім Доме культуры.

Народная эстрадная студыя «Міраж»

Кіраўнік – Іна Паўлаўна Харко, тэл.:(01592)4-63-55

аўторак:17.30 - 19.00

Народная эстрадная студыя "Міраж" існуе з 2002 года. У 2008 годзе ёй прысвоена званне "народная эстрадная студыя". Мэта яе стварэння-развіццё творчага патэнцыялу ўдзельнікаў, фарміраванне музычна-эстэтычнай культуры эстрадных выканаўцаў. Эстрадная студыя зарэкамендавала сябе творчым калектывам, у якім надаецца вялікая ўвага развіццю вакальных дадзеных удзельнікаў. Сведчанне гэтаму-удзел у раённых і абласных фестывалях эстраднай творчасці, рэгіянальным фестывалі-конкурсе выканаўцаў эстраднай песні "Адна зямля", абласным конкурсе патрыятычнай песні, у якіх удзельнікі студыі з'яўляліся дыпламантамі ў розных намінацыях. У 2012 годзе на XIY рэгіянальным фестывалі-конкурсе выканаўцаў эстраднай песні "Адна зямля" (г. Вілейка) салісты студыі Эдуард Кулагін і Марына Лайкоўская атрымалі дыпломы III ступені. 2014 год стаў насычаным выступамі для саліста студыі Э. Кулагіна, які быў узнагароджаны дыпломам III ступені ў намінацыі "Эстрадны спеў" у II этапе Рэспубліканскага конкурсу маладых талентаў "Зорка ўвайшла над Беларуссю”, прызам глядацкіх сімпатый на Y абласным адкрытым фестывалі эстраднай песні “ І вечная вясна...”, дыпломам III ступені на рэгіянальным фестывалі-конкурсе выканаўцаў эстраднай песні “Адна зямля”, а таксама стаў фіналістам тэлевізійнага праекта тэлеканала СТВ “Поющие города". У 2015 годзе саліст студыі М. Пашук стаў уладальнікам Гран-пры рэгіянальнага фестывалю-конкурсу выканаўцаў эстраднай песні "Адна зямля". У 2016 годзе дыпломам II ступені на гэтым жа фестывалі ўзнагароджана салістка студыі І.Кулагіна.
На IV Міжнародны фестывалі-конкурсе "Новыя вяршыні 2018" дыпломам I ступені ўзнагароджаны салісты студыі-Э. Кулагін і Е. Арловіч. І. Мачнева і В. Гневышава сталі лаўрэатамі II і III ступеняў II Міжнароднага фестывалю мастацтваў "BYFEST" (г.Мінск, 2018). 20 лютага 2019г. Вікторыя Гневышава стала дыпламантам 3 ступені раённага конкурсу патрыятычнай песні "Сэрца зямлі маёй". На V Міжнародным фестывалі-конкурсе "Новыя вяршыні- 2019" Эдуард Кулагін узнагароджаны дыпломам лаўрэата II ступені. Дыпломам II ступені і памятным падарункам па рашэнні прафесійнага журы ўзнагароджаны Яўген Сініковіч. У маі 2020 года, салістка народнай эстраднай студыі "Міраж" В. Гневышава стала ўладальніцай дыплома лаўрэата III-ступені ў намінацыі "Поп-вакал", Сола Міжнароднага фестывальнага праекта "Волна идей" WAVEIDEAS. У снежні, В. Гневышава выйшла ў Рэспубліканскі адборачны тур конкурсу выканаўцаў эстраднай песні фестывалю “Славянскі базар у Віцебску".

Народны хор ветэранаў

Кіраўнік – Аляксандр Палікарпавіч Лях
Хормайстар- Кацярына Уладзіміраўна Апякун, тэл.:(01592)4-63-53

серада: 15.00 – 16.30

Народны хор ветэранаў пачаў дзейнічаць пры дзяржаўнай установе культуры " Смаргонскі раённы цэнтр культуры" з 2017 года згодна з рашэннем калегіі галоўнага ўпраўлення ідэалагічнай работы, культуры і па справах моладзі Гродзенскага аблвыканкама №23 ад 20.12.2016 г. з адначасовай зменай базы дзейнасці народнага хору ААТ"Смаргонскі завод аптычнага станкабудавання". На працягу ўсяго часу сваёй дзейнасці (з 1976 года) народны хор з'яўляўся адным з лепшых самадзейных калектываў Смаргоншчыны. І сёння любоў да песні цесна аб'яднала ветэранаў прадпрыемстваў, арганізацый і ўстаноў горада, для якіх песня стала надзейным спадарожнікам у жыцці. У рэпертуары калектыву-творы вядомых беларускіх і рускіх аўтараў, беларускія і рускія народныя песні, аўтарскія песні.

Народны хор ветэранаў узнагароджаны дыпломам " за духоўнае і патрыятычнай выхаванне моладзі, прапаганду песні і актыўны ўдзел у абласным фестывалі народнай творчасці ветэранскіх калектываў " “Не старэюць душой ветэраны" (25 сакавіка 2017г., г.Іўе). Калектыў запрошаны да ўдзелу ў Y Рэспубліканскім вакальным конкурсе сярод ветэранаў "Песні Перамогі" (г.Мінск).
У 2018 годзе калектыў пацвердзіў званне "Лепшы ветэранскі калектыў” на абласным фестывалі народнай творчасці ветэранскіх калектываў “Не старэюць душой ветэраны". У гэтым жа 2018 годзе калектыў прыняў удзел у гала-канцэрце XIV Рэспубліканскага фестывалю народнай творчасці ветэранскіх калектываў "Не старэюць душой ветэраны", які годна прадставіў Смаргоншчыну і Гродзенскую вобласць і быў узнагароджаны дыпломам лаўрэата, каштоўнымі і памятнымі падарункамі. 16 сакавіка 2019 года. народны хор ветэранаў быў узнагароджаны дыпломам "за духоўнае і патрыятычнае выхаванне моладзі, прапаганду песні і актыўны ўдзел у абласным фестывалі ветэранскіх калектываў “Не старэюць душой ветэраны" і каштоўнымі падарункамі.

У 2020 годзе народны хор ветэранаў стаў уладальнікам Гран-пры II Міжнароднага фестывалю-конкурсу творчасці "Пирамида звёзд" (г. Мінск), у намінацыі «харавое мастацтва», які прайшоў у анлайн-рэжыме.

Чытаць 4328 разоў Апошняя змена 23.08.2017

Кантакты

Адрас: 231041, Рэспубліка Беларусь, Гродзенская вобл., г. Смаргонь, вул Ветэранаў, 9

Тэл. дырэктара: +375 (1592) 4-69-53, +375 (1592) 4-50-16 (факс)

E-mail: rmcznt2011@yandex.ru

Сацыяльныя сеткі

Поиск по сайту

© 2017 Дзяржаўная ўстанова культуры «Смаргонскі раённы цэнтр культуры» Усе правы абаронены

Распрацоўка: РВПЦ «Кастрычніцкі»

Яндекс.Метрика

Просім ацаніць працу ДУК «Смаргонскі раённы цэнтр культуры» на партале рэйтынгавай ацэнкі якасці аказання паслуг арганізацыямі Рэспублікі Беларусь